સોશિયલ મીડિયા કોમન ફ્રેન્ડ વિવાદમાં યુવક પર છરીથી હુમલો
સાવરકુંડલામાં સોશિયલ મીડિયા પર મ્યુચ્યુઅલ ફ્રેન્ડને લઈને થયેલા વિવાદને સમાધાન કરવા બોલાવવામાં આવેલી બેઠક દરમ્યાન યુવક પર છરીથી હુમલો થયો. હુમલામાં કુલદીપ સાંઢસુર ગંભીર રીતે ઈજાગ્રસ્ત થયા અને તેમને રાજકોટની હોસ્પિટલમાં દાખલ કરવામાં આવ્યા છે.
પોલીસને ફરિયાદ મળતાં એક સગીર સહીત કુલ 2 આરોપીઓની ધરપકડ કરી હત્યાના પ્રયાસનો ગુનો નોંધી તપાસ શરૂ કરી છે. ઘટનાનો ક્રમ અને પૂર્વ પરિસ્થિતિ પોલીસ દ્વારા જણાવવામાં આવી છે કે સાવરકુંડલામાં 2 દિવસ પહેલા એક છોકરી સાથેની મિત્રતા (મ્યુચ્યુઅલ ફ્રેન્ડ/કોમન ફ્રેન્ડ)ને લઈને સગીર અને અન્ય યુવકો વચ્ચે ઝઘડો થયો હતો.
મનદુઃખને કારણે પરિવારો દ્વારા સમાધાન માટે સાવરકુંડલામાં બેઠક બોલાવવામાં આવી, જેમાં ઉગ્ર બોલાચાલય બાદ સગીરે પીડિત યુવક પર છરીથી હુમલો કર્યો. ઇજા અને સારવાર હમલામાં કુલદીપ સાંઢસુરને પીઠના ભાગે 6-7 ઘા લાગ્યા હોવાનું પોલીસના દાવા અનુસાર જણાવાયું છે.
ગંભીર ઇજાઓને કારણે તેમને સારવાર માટે રાજકોટની હોસ્પિટલમાં ખસેડવામાં આવ્યા છે. ઘટના સમયે કુલદીપ સાથે જોઈ ગયેલા પૃથ્વીરાજને પણ ઈજા પહોંચી હતી અને પૃથ્વીરાજ ધાધલે પોલીસ ફરિયાદ નોંધાવી છે.
પોલીસની કાર્યવાહી સાવરકુંડલા ટાઉન પોલીસ સ્ટેશનમાં હત્યાની કોશિશનો ગુનો દાખલ કર્યો છે અને પોલીસે દોષી ગણાતા એક સગીર સહિત કુલ 2 યુવકોની ધરપકડ કરી આગળની તપાસ શરૂ કરી છે.
DySPનું નિવેદન: સાવરકુંડલા DySPએ જણાવ્યું હતું કે પ્રારંભિક તપાસમાં પીડિત અને આરોપીઓ વચ્ચે પહેલા થી જ મ્યુચ્યુઅલ ફ્રેન્ડને લઈ મનદુઃખ ચાલતું હતું અને આરોપીઓએ ફરિયાદી તથા સાક્ષીને ઇન્સ્ટાગ્રામમાં અપશબ્દો પણ કહ્યું હતા. સમાધાન માટે બોલાવવામાં આવેલી બેઠક દરમિયાન ઉગ્ર બોલાચાલીમાં સગીરે પીઠના ભાગે 6-7 ઘા ઝીકા હતા.
મુખ્ય બે આરોપીઓમાંથી એક કાયદાના સંઘર્ષમાં આવેલો બાળ કિશોર છે અને બીજા આરોપીનું નામ ઉદયભાઈ રાદડિયા જણાવાયું છે. પોલીસ વધુ તપાસ કરી રહી છે.