કાલુપુર અને સાબરમતી સ્ટેશન ભીડ નિયંત્રણ
દિવાળી અને છઠ પૂજાના તહેવારોમાં વતન જવા માટે કાલુપુર અને સાબરમતી રેલવે સ્ટેશનો પર મુસાફરોનો ધસારો જોવા મળી રહ્યો છે. ભીડનું યોગ્ય સંચાલન કરવા માટે DRM કાર્યાલયના કંટ્રોલ બિલ્ડિંગમાં વિશેષ ‘વોર રૂમ’ તૈયાર કરવામાં આવ્યો છે. અહીંથી બંને સ્ટેશનો પર 24×7 CCTV દ્વારા રિયલ ટાઈમ મોનિટરિંગ થાય છે.
DRMએ વોર રૂમનું નિરીક્ષણ કરીને જો ભીડ વધતી હોય તો RPF અને સંબંધિત રેલવે કર્મચારીઓને તાત્કાલિક કામગીરી માટે સૂચના આપી હતી. ભીડ અને તે માટે લીધેલી વ્યવસ્થા તહેવારો દરમિયાન કાલુપુર અને સાબરમતી સ્ટેશનો પર મુસાફરોની સંખ્યા વધતી રહેતી હોવાથી વોર રૂમથી સતત નજર રાખવામાં આવી રહી છે.
વોર રૂમમાંથી પ્લેટફોર્મ પર પગપાળા મુસાફરોની અવરજવર અને ભીડની સ્થિતિને ઍસેસ કરીને જરૂરી એન્ટ્રી અને કાર્યવાહી માટે સૂચનાઓ આપવામાં આવે છે. રિયલ ટાઈમ મોનિટરિંગ અને તાત્કાલિક કાર્યવાહી CCTV કેમેરા દ્વારા સ્ટેશન પરની અવરજવર અને ભીડની સ્થિતિનું રિયલ ટાઇમ મોનિટરિંગ કરવામાં આવે છે.
જ્યાં વધુ ભીડ અથવા અસુવિધા જણાય ત્યાં વોર રૂમમાંથી જોડાયેલા RPF અને રેલવે કર્મચારીઓને તાત્કાલિક સૂચનાઓ આપી જરૂરી વ્યવસ્થા કરવામાં આવે છે જેથી અફરાતફરી ન સર્જાય. DRMનો નિરીક્ષણ અને સૂચનાઓ અમદાવાદ મંડળના DRMએ વોર રૂમનું નિરીક્ષણ કરી સ્ટેશનોની સુરક્ષા અને ભીડ વ્યવસ્થાપનની સમીક્ષા કરી હતી.
નિરીક્ષણ દરમિયાન તેમણે CCTV આધારિત દેખરેખ, પ્લેટફોર્મ પર પ્રવાસીઓની અવરજવર, વિશેષ હોલ્ડિંગ એરિયા અને લાઇનબદ્ધ રીતે ટ્રેનમાં બોર્ડિંગ કરાવવાની વ્યવસ્થા જેવી બાબતોની માહિતી મેળવી અને અધિકારીઓને જરૂરી સૂચનાઓ આપી હતી.
સ્ટેશન પર સંકલન અને મુસાફરોને માહિતી આપવાની વ્યવસ્થા ભીડ નિયંત્રણ માટે વોર રૂમ સ્ટેશન પર હાજર કર્મચારીઓ અને અધિકારીઓ વચ્ચે ઝડપી સંકલન સુનિશ્ચિત કરે છે. હોલ્ડિંગ એરિયાથી કોચ સુધી મુસાફરોને સુગમ રીતે પહોંચાડવાની અને પ્લેટફોર્મ પર ભીડનું નિયંત્રણ જાળવવાની કામગીરી વોર રૂમ દ્વારા સંકલિત રીતે કરવામાં આવે છે.
સાથે જ મુસાફરોને સ્પેશિયલ ટ્રેનોના સંચાલન, સમયપત્રક અને અન્ય સુવિધાઓની માહિતી ઇલેક્ટ્રોનિક ડિસ્પ્લે બોર્ડ, જાહેર ઘોષણા પ્રણાલી અને સોશિયલ મીડિયા મારફતે આપવામાં આવે છે અને ટ્રેનોના ચાલવા અને સમયપાલન પર નિયમિત દેખરેખ રાખવામાં આવે છે.