75 ટકાથી ઓછી હાજરી ધરાવતા વિદ્યાર્થીઓને પરીક્ષા માટે મંજૂરી
એમ.એસ. યુનિવર્સિટીની કોમર્સ ફેકલ્ટીમાં બીજી મિડ સેમેસ્ટર પરીક્ષાઓ 22 ઓક્ટોબરથી શરૂ થશે. ફેકલ્ટીના ડીનના જણાવ્યા અનુસાર આ વર્ષથી પ્રથમ વર્ષ (FY) માટે 75 ટકા હાજરી ફરજિયાત કરાઇ છે અને 75 ટકાથી ઓછી હાજરી ધરાવતા વિદ્યાર્થીઓને શરતી રીતે પરીક્ષા આપવા દેવામાં આવશે.
બાહેંધરીની શરતો અને ફોર્મ ડીને જણાવ્યું છે કે 75 ટકાથી ઓછી હાજરી ધરાવતા લગભગ 1200 જેટલા વિદ્યાર્થીઓને પર્યાયરૂપે પરીક્ષામાં બેસવા દેવામાં આવશે, પરંતુ તેમને બીજા સેમેસ્ટરમાં હાજરી જાળવી રાખવાની બાહેધરી વતાવવા માટે વાલીઓની સહીવાળું ફોર્મ ભરવું પડશે. આ બાહેધરીનું ફોર્મ પરીક્ષાના પ્રથમ દિવસે પેપર સાથે વિતરણ કરવામાં આવશે અને વિદ્યાર્થીઓએ તેમાં માતા-પિતાની સહી કરાવી ફેકલ્ટીમાં જમા કરાવવું રહેશે.
ઝીરો ટકા હાજરી ધરાવતા વિદ્યાર્થીઓ વિશે ડીનએ જણાવ્યું કે જે વિદ્યાર્થીઓની હાજરી ઝીરો ટકા હશે અને જેમણે ફેકલ્ટીમાં કોઈ પ્રેઝન્ટેશન અથવા અન્ય પ્રવૃતિમાં ભાગ લીધો નથી, તેમને પરીક્ષામાં બેસવા દેવામાં નહિ આવે. ફેકલ્ટીની વ્યાખ્યા અનુસાર આ પહેલું વર્ષ છે અને વિદ્યાર્થીઓ નવા હોવાને લીધે તેમને હાજરી નિયમનું પાલન કરવા વધુ એક તક આપવાનો નિર્ણય લેવામાં આવ્યો છે.