JEE Advanced 2027ની તારીખ જાહેર
IIT દિલ્હીએ JEE એડવાન્સ્ડ 2027નો કાર્યક્રમ જાહેર કર્યો છે. દેશની 23 IITsમાં પ્રવેશ માટેની પરીક્ષા 23 મે 2027 ના રોજ યોજાશે અને સત્તાવાર વેબસાઈટ 13 નવેમ્બર 2026 ના રોજ લોન્ચ કરવામાં આવી છે. JEE મેિન 2027ના ટોચના 2,50,000 ઉમેદવારોને જ JEE એડવાન્સ્ડ 2027 માં બેસવાની તક મળશે.
પરીક્ષાના નિયમો
વેબસાઈટ અનુસાર, ઉમેદવારોને પરીક્ષામાં બેઝિક કેલ્ક્યુલેટરનો ઉપયોગ કરવાની મંજુરી અને મહત્તમ બે વખત જ પરીક્ષા આપવા ની મંજૂરી આપવામાં આવી છે. JEE (મેિન) 2027 ના B.E./B.Tech. પેપરમાં સફળ થનારા ઉમેદવારોમાંથી સર્વ કેટેગરીને મિશ્રિત કરીને ટોચના 2,50,000 ઉમેદવારોને JEE એડવાન્સ્ડ 2027 માં બેઠવાની તક આપવામાં આવશે.
વયમર્યાદા અને છુટ
જનરલ કેટેગરીના ઉમેદવારો માટે વયમર્યાદા એવી રાખવામાં આવી છે કે તેઓનો જન્મ 1 ઓક્ટોબર 2002 ના રોજ અથવા તે પછી થયો હોવો જોઈએ. SC, ST અને PwD ઉમેદવારોને વયમર્યાદામાં 5 વર્ષ ની છૂટ આપવામાં આવી છે, એટલે કે તેમના માટે જન્મ તારીખ 1 ઓક્ટોબર 1997 ના રોજ અથવા તે પછીનો હોવો જોઈએ.
ધોરણ 12ની પાત્રતા
JEE એડવાન્સ્ડ 2027 માટે પાત્રતા હેઠળ જરૂરી છે કે ઉમેદવારોએ પ્રથમ વખત ધોરણ 12ની પરીક્ષા 2026 અથવા 2027માં આપી હોય અને તેમાં ફિઝિક્સ, કેમિસ્ટ્રી અને મેથેમેટિક્સ (PCM) ફરજિયાત વિષયો હોય. જેમણે પ્રથમ વખત ધોરણ 12ની પરીક્ષા 2025 અથવા તે પહેલાં આપી હતી, તેઓ JEE એડવાન્સ્ડ 2027 માટે પાત્ર ગણાશે નહીં.
પરિણામની જાહેરાત
ધોરણ 12નું પરિણામ જાહેર કરવું જરૂરી છે. જો કોઈ ઉમેદવારનું પરિણામ રોકી (withhold) રાખવામાં આવ્યું હોય તો પણ તેને પરીક્ષામાં સામેલ થયેલો જ ગણવામાં આવશે. જે ઉમેદવારનું ધોરણ 12નું પરિણામ 12 જૂન 2025 ના રોજ અથવા તે પછી જાહેર થયું હોય અને તે અન્ય શરતો પૂરી કરે છે, તેઓ JEE એડવાન્સ્ડ 2027 માટે પાત્ર રહેશે.