સોનાના દાગીના પર GST કેટલો લાગે છે?
સરકારી GST નિયમો અનુસાર દુકાનમાંથી તૈયાર સોનાની જ્વેલરી ખરીદતી વખતે કુલ ટ્રાન્ઝેક્શન વેલ્યુ પર 3% GST લાગશે. બિલમાં મેકિંગ ચાર્જ અલગ દર્શાવેલો હોય તો પણ GSTનો દર બદલાતો નથી. ઉદાહરણરૂપે 1.40 લાખની જ્વેલરી પર 4,200 રૂપિયા GST લાગશે.
GSTના મુખ્ય નિયમો
મુખ્ય નિયમ તૈયાર સોનાની જ્વેલરી, ચાંદી અથવા ડાયમંડની દુકાનથી ખરીદી કરતી વખતે બિલમાં દર્શાવેલ કુલ કિંમત પર એકજ દર 3% GST લાગશે. મેકિંગ ચાર્જ બિલમાં અલગ દેખાડવામાં આવ્યો હોય કે કુલ કિંમતમાં સમાવિષ્ટ હોય, તે GST દર પર કોઇ ફરક નહિ પડશે. ઉદાહરણ: 1.40 લાખની ચેઇન પર ગણતરી સોનાની કિંમત: 1,28,000 રૂપિયા મેકિંગ ચાર્જ: 12,000 રૂપિયા કુલ રકમ: 1,40,000 રૂપિયા 3% GST મુજબ ચૂકવવાનું: 4,200 રૂપિયા.
મેકિંગ ચાર્જ અને 5% GST
જો અલગ-અલગ દર મુદ્દો લાગુ કરાય તો હિસાબ પ્રમાણે સોનાની કિંમત પર 3% = 3,840 રૂપિયા અને મેકિંગ ચાર્જ પર 5% = 600 રૂપિયા થઇ કુલ 4,440 રૂપિયા બની જાય છે, પરંતુ નિયમ અનુસાર પૂર્ણ રકમ પર 3% જ લાગશે એટલે માત્ર 4,200 રૂપિયા જ ચૂકવવાં પડે છે. મેકિંગ ચાર્જ અને 5% GST ક્યારે લાગુ પડે છે? મેકિંગ ચાર્જ પર 5% GSTનો નિયમ તે જોબ્જવર્ક સંકળાયેલા વ્યવહારમાં લાગુ પડે છે.
GST 2.0 પછીનું સ્થાન
GST 2.0 હેઠળ ટેક્સ સ્લેબોમાં ફેરફાર થયા બાદ પણ જેમ્સ અને જ્વેલરી સેક્ટર માટે GSTનો દર 3% જ રાખવામાં આવ્યો છે. આ અંગે GST કાઉન્સિલની 56મી બેઠક 3 સપ્ટેમ્બર 2025ના રોજ યોજાઇ હતી અને જ્વેલરીની કુલ કિંમત પર 3% GST લાગુ કરવાનો નિયમ યથાવત્ રહ્યો.
ખરીદી વખતે કઈ બાબતો તપાસવી
તૈયાર સોનાની જ્વેલરી ખરીદતી વખતે બિલમાં સમગ્ર કિંમત પર 3% GST બતાવવામાં આવી છે કે નહિ તેની ખાતરી કરો. ઉદાહરણ તરીકે, જો તમે 2 લાખ રૂપિયાની જ્વેલરી ખરીદો તો તેના પર 6,000 રૂપિયા GST લાગશે. જો તમે પોતાનું સોવું આપી જ્વેલરી બનાવાડશો અથવા જૂની જ્વેલરીનું સમારકામ કરાવશો તો ટેક્સની ગણતરી અલગ હોઈ શકે છે.