બિલાલ કાઝી બ્લેકમેલિંગ કેસ
યુનાઇટેડ કિંગડમમાં રહેતા મુંબઈના 27 વર્ષીય ભારતીય નાગરિક બિલાલ કાઝીને સગીરાઓને ઓનલાઈન ફસાવી તેમની પાસેથી અશ્લીલ ફોટા અને વીડિયો મંગાવવા અને બાદમાં બ્લેકમેલ કરવા બદલ અદાલતે 30 વર્ષની જેલની સજા ફટકારેલ છે. કોર્ટે આદેશ કર્યો છે કે પેરોલ માટે પાત્ર બનતા પહેલા તેને ઓછામાં ઓછા 20 વર્ષ જેલમાં વિતાવવાના રહેશે.
પ્રોસિક્યુશનની માહિતી અનુસાર કાઝીએ સોશિયલ મીડિયા પર નકલી ઓળખ બનાવીને લગભગ 70થી વધુ નાની વયની છોકરીઓને શ્રેણીબદ્ધ રીતે શિકાર બનાવ્યો હતો. નકલી ઓળખ અને ટાર્ગેટેડ પ્લેટફોર્મ બિલાલ કાઝી મૂળ મુંબઈનો વતની છે. તેણે ચેસ્ટરમાં PhD નો અભ્યાસ કર્યો અને બાદમાં બર્મિંગહામ યુનિવર્સિટીમાં કેમિસ્ટ્રીનો અભ્યાસ કરવા ગયો હતો.
ઓગસ્ટ 2021 થી ઓગસ્ટ 2025 દરમિયાન કાઝીએ ‘Reece’ નામે એક શ્વેત બ્રિટિશ કિશોરની નકલી ઓળખ બનાવી તે Snapchat, Roblox, Wink અને Wizz જેવા પ્લેટફોર્મ પર 10 થી 17 વર્ષની છોકરીઓને ગોઠવતો હોવાનું આરોપ છે. બ્લેકમેઇલિંગ અને હેકિંગના આરોપ પ્રોસિક્યુશનની વિગત મુજબ કાઝીએ પીડિતાઓનો વિશ્વાસ જીતી તેમની પાસેના અંગત ફોટા અને વીડિયો મેળવી લીધા અને જ્યારે પીડિતાઓ સહમતિ આપતાં નહોતા તો તે તસવીરો તેમની મિત્રોને અને પરિવારને મોકલવાની અથવા સામગ્રી જાહેર કરવાની ધમકી આપતો હતો.
કેટલાક ઘટનાઓમાં પીડિતાઓના સોશિયલ મીડિયા એકાઉન્ટ હેક કરીને અશ્લીલ સામગ્રી વાયરલ કરી દેવામાં આવી હોવાનું પણ જણાવાયું છે. કેસ કેવી રીતે બહાર આવ્યો અને તપાસ નવેમ્બર 2021 માં એક પીડિતાએ ડર્બીશાયર પોલીસને شکایت કરી કે તેના Snapchat એકાઉન્ટને હેક કરીને તેનો અંગત સામગ્રી તેના મિત્રોને મોકલવામાં આવ્યો હતો અને ત્યારથી સમગ્ર કૌભાંડ બહાર આવ્યો.
યુકેમાં 45માંથી 28 પોલીસ દળોની સંયુક્ત તપાસ બાદ જુલાઈ 2023માં હીથ્રો એરપોર્ટ પર પરત ફરતી વખતે કાઝીની ધરપકડ કરવામાં આવી હતી. પોલીસનું અંદાજ છે કે પીડિતાઓની સંખ્યા 180 સુધી હોઈ શકે છે.
કોર્ટની ટિપ્પણી અને સજા સંભળાવતા જજ સ્ટીફન એવરેટે કાઝીને ‘અત્યંત ખતરનાક વ્યક્તિ’ ગણાવ્યો અને કહ્યું કે તેણે સોશિયલ મીડિયા પ્લેટફોર્મોના દુરૂપયોગ દ્વારા એવા બાળકોની સુરક્ષા અને માનસિક શાંતિ છીનવી લીધી છે. અદાલત દ્વારા તેને 30 વર્ષની કેદની સજા અને પેરોલ માટે લાયકાત પહેલાં ઓછામાં ઓછા 20 વર્ષ કેદ રાખવાની કડક શરત મૂકવામાં આવી છે.