આમળા જ્યુસ રેસિપી
આમળાના ખાટા સ્વાદને કારણે ઘણા લોકો તેને કાચા ખાઈ અથવા જ્યુસ તરીકે પીવાનું પસંદ કરતા નથી. છતાં, આમળામાં વિટામિન ‘સી’ અને અન્ય પોષક તત્વો પુરતી માત્રામાં હોય છે. તેનો સ્વાદ ગાજર, સફરજન, આદુ અથવા ફુદીનાની સાથે મિક્સ કરીને સુધારી શકાય છે. નીચે આપેલી ૫ સરળ રેસિપીઓથી આમળાનું જ્યુસ ટેસ્ટી અને હેલ્ધી બની રોગપ્રતિકારક શક્તિને વધારવામાં મદદરૂપ થઈ શકે છે.
ગાજર અને આમળાનું જ્યુસ
સામગ્રી: 1 મધ્યમ આકારનું ગાજર, 1-2 આમળા, અડધો ગ્લાસ પાણી (આદુ ઇચ્છા અનુસાર).
બનાવવાની રીત: ગાજર અને આમળા ધોઈને નાના ટુકડા કરો અને આમળાના બીજ કાઢી લો. ગાજર, આમળા અને અડધો ગ્લાસ પાણી મિક્સરમાં પીસી લો. જો તમને આદુનો સ્વાદ ગમતો હોય તો નાનો ટુકડો ઉમેરી શકો છો. જ્યુસને ગાળી ને તાજું પીવો.
સફરજન અને આમળાનું જ્યુસ
સામગ્રી: 1 નાનો સફરજન, 1-2 આમળી, જરૂર મુજબ પાણી.
બનાવવાની રીત: સફરજન અને આમળા ધોઈને બીજ કાઢી નાના ટુકડા કરી લો. બંને ફળોને પાણી સાથે મિક્સરમાં બ્લેન્ડ કરો. ફાઇબર જાળવી રાખવા માટે તેને ગાળ્યા વગર પણ પી શકાય છે. સ્વાદ માટે ઉપરથી એક ચપટી તજ પાવડર ઉમેરી શકો છો.
આદુવાળું આમળા જ્યુસ
સામગ્રી: 2 આમળા, અડધી ઇંચ આદુ, પાણી, જરૂર પ્રમાણે મધ.
બનાવવાની રીત: 2 આમળા અને અડધી ઇંચ આદુ ધોઈને નાના ટુકડા કરો અને આમળાના બીજ અલગ કરો. બંનેને પાણી સાથે મિક્સીમાં પીસો. જ્યુસને ગાળી લો. જો ખાટાશ વધારે લાગે તો સ્વાદ પ્રમાણે થોડું મધ ઉમેરી શકો છો.
ફુદીનાવાળું આમળા જ્યુસ
સામગ્રી: 2 આમળા, 6-8 તાજા ફુદીનાના પાન, પાણી, એક ચપટી જીરું પાવડર, કાળું મીઠું.
બનાવવાની રીત: 2 આમળા અને 6-8 ફુદીનાના પાન ધોઈને આમળાના ટુકડા કરી બીજ કાઢી લો. આમળા, ફુદીનાના પાન અને પાણી મિક્સીમાં સારી રીતે બ્લેન્ડ કરો. તૈયાર મિશ્રણને ગાળી લઇને તેમાં એક ચપટી જીરું પાવડર અને કાળું મીઠું ઉમેરી તાજું પીવો.
ક્લાસિક આમળા જ્યુસ
સામગ્રી: 2 આમળા, પાણી, એક ચપટી જીરું પાવડર, કાળું મીઠું.
બનાવવાની રીત: 2 આમળા ધોઈને નાના ટુકડા કરી અને બીજ કાઢી લો. એમને પાણી સાથે મિક્સરમાં પીસો. જ્યુસને ગાળી લીધા પછી સ્વાદ પ્રમાણે એક ચપટી જીરુ પાવડર અને કાળું મીઠું ઉમેરી સેવન કરો.