સુરતમાં INDIA ગઠબંધન રેલી
સુરતમાં ચૂંટણી પ્રક્રિયાની પારદર્શિતા અને નાગરિકોના મતાધિકારના રક્ષણ માટે INDIA ગઠબંધન 8 ઓક્ટોબરે જનરેલી યોજશે. રેલી સવારે 10:00 કલાકે વનિતા વિશ્રામથી શરૂ થઈ જિલ્લા કલેક્ટર કચેરી સુધી પહોંચશે.
રેલીમાં ‘વોટ ચોરી’ અને મતદાર યાદીમાં ગેરરીતિ જેવા મુદ્દા ઉઠાવવામાં આવશે અને કલેક્ટર કચેરી ખાતે બંધારણની કલમ 326નું પઠન કરીને આવેદનપત્ર આપવામાં આવશે. રેલીની રૂપરેખા આયોજકોના જણાવ્યા અનુસાર રેલી સવારે 10:00 કલાકે વનિતા વિશ્રામથી પ્રસ્થાન કરશે અને વિવિધ માર્ગો પરથી પસાર થઈ જિલ્લા કલેક્ટર કચેરી પહોંચશે.
રેલીનું આયોજન ચૂંટણી પ્રક્રિયાની પારદર્શિતા અને મતાધિકારની રક્ષા માટે વિરોધના રૂપમાં કરવામાં આવ્યું છે. અવેદનપત્ર અને કલમ 326નું પઠન જિલ્લા કલેક્ટર કચેરી ખાતે પહોંચ્યા બાદ રાષ્ટ્રગીત બાદ બંધારણની કલમ 326નું પઠન કરાશે.
ત્યારબાદ ગઠબંધનના પ્રતિનિધિમંડળ દ્વારા જિલ્લા કલેક્ટરને આવેદનપત્ર પાઠવી ચૂંટણી પ્રક્રિયાની પારદર્શિતા અને મતાધિકારના રક્ષણ અંગે રજૂઆત કરવામાં આવશે. પક્ષોનું સમર્થન અને પત્રકાર પરિષદ સુરતમાં ગઠબંધનના આગેવાનો દ્વારા યોજાયેલી પત્રકાર પરિષદમાં કોંગ્રેસ, સીપીઆઈ, એનસીપી અને સીપીએમના આગેવાનો હાજર રહ્યા. તેમજ આમ આદમી પાર્ટી અને બસપા પણ રેલીને સમર્થન આપશે તેવી માહિતી આપવામાં આવી છે.
નાગરિકોને આહ્વાન ગઠબંધનના આગેવાનો સુરતના નાગરિકો, યુવાનો અને મહિલાઓને ‘લોકશાહી બચાવો, મતાધિકાર બચાવો’ના અનુરોધ સાથે 8 ઓક્ટોબરે સવારે 10:00 કલાકે વનિતા વિશ્રામ ખાતે એકત્ર થવી અને રેલીમાં ભાગ લેવા કહેવામાં આવી છે.