LPG બુકિંગમાં ફેરફાર
કેન્દ્ર સરકારે ઘરેલુ LPG સિલિન્ડર બુકિંગને લઈને શહેર અને ગ્રામ્ય ગ્રાહકો વચ્ચેનો ભેદભાવો દૂર કરવાનો નિર્ણય લીધો છે. હવે ગ્રામ્ય વિસ્તારમાં રહેતા ગ્રાહકો પણ શહેરવાળા ગ્રાહકોની જેમ માત્ર 25 દિવસના અંતરે આગામી રિફિલ બુક કરી શકશે. આ બદલાવથી ગ્રામ્ય વિસ્તારોના લાખો LPG ગ્રાહકોને ગેસ સિલિન્ડર માટે ઓછી રાહ જોવી પડશે.
ગામડાના નિયમમાં મુખ્ય ફેરફાર પહેલાં ગ્રામ્ય વિસ્તારનાં ગ્રાહકોને LPG સિલિન્ડર રિફિલ બુક કરવા માટે 45 દિવસની રાહ રાખવી પડતી હતી. હવે તે સમયગાળો ઘટાડીને 25 દિવસ કરવામાં આવ્યો છે અને જે પરિણામે હાલ દેશભરના ઘરેલુ LPG ગ્રાહકો માટે બુકિંગનો સમયગાળો એકસરખો થઈ ગયો છે.
આ અંગે માહિતી આપતાં પેટ્રોલિયમ રાજ્ય મંત્રી સુરેશ ગોપીએ જણાવ્યુ કે પેટ્રોલિયમ મંત્રાલય દ્વારા ઓઇલ માર્કેટિંગ કંપનીઓને નવા નિયમનો તાત્કાલિક અમલ કરવા માટે સૂચના આપવામાં આવી છે. મુખ્ય ધ્યેય ગ્રામ્ય વિસ્તારોમાં ગેસ પૂરવઠા સુગમ બનાવવો છે. ગ્રાહકોને સીધો લાભ ગ્રામ્ય વિસ્તારોમાં સિલિન્ડર ખતમ થઈ જવાનું જોખમ ન રહીને ગ્રાહકોને લાંબા સમય સુધી રાહ જોવી નહીં પડે.
શહેર અને ગામડાના ગ્રાહકો માટે સમાન બુકિંગ અંતરાલ લાગુ થતાં રિફિલ મેળવવાની પ્રક્રિયા વધુ સરળ અને સુસંગત બનશે. નિયમ બદલાવ ખાસ કરીને ગ્રામ્ય વિસ્તારોના લાખો LPG ગ્રાહકોને મોટેરાયેલી રાહત આપી શકે છે.