હાર્દિક પંડ્યાની કેપ્ટનશીપ
પૂર્વ ભારતીય બેટ્સમેન અંબાતી રાયડુએ મુંબઇ ઇન્ડિયન્સના કેપ્ટન હાર્દિક પંડ્યાના ભવિષ્ય અંગે મહત્વપૂર્ણ નિવેદન આપ્યું છે. રાયડુએ જણાવ્યું કે વર્ષ 2024માં રોહિત શર્માની જગ્યાએ એ કેપ્ટન બન્યા પછી હાર્દિક ટીમના ડ્રેસિંગ રૂમમાં પોતાને એકલો અને અલગ અનુભવતા રહ્યાં અને તેથી જ તેનિ તરફથી કેપ્ટનશીપ છોડીને ફક્ત ખેલાડી તરીકે રમવાની સલાહ આપી છે.
રાયડુએ હાર્દિકને ફરી ફોર્મ મેળવવા માટે પંજાબ કિંગ્સ અથવા ચેન્નાઇ સુપર કિંગ્સમાં જોડાવાની શક્યતા પણ દર્શાવી છે. રાયડુનું ખુલાસુ ઇન્ટરવ્યુમાં રાયડુએ ખુલાસો કર્યો કે મુંબઇમાં હાર્દિકને એવું લાગ્યું જાણે ‘તને એક ખૂણામાં ધકેલી દેવાયો હોય’ અને તે સતત પોતાની પાછળ જ જોતા રહે છે.
રાયડુએ કહ્યું: “ડ્રેસિંગ રૂમમાં જ્યારે આવું વાતાવરણ સર્જાય છે ત્યારે તમે એવું વર્તન કરવા લાગો છો જેવું તમે વાસ્તવમાં નથી કરવા માંગતા. હાર્દિક સાથે ઘણી બાબતો યોગ્ય ન રહી. આમાં હાર્દિકની ભૂલ પણ હોઈ શકે છે અથવા તો અન્ય કોઈ કારણ પણ હોઈ શકે છે.”
ફેન્સની પ્રતિક્રિયા અને ટ્રેડ ચર્ચાઓ રાયડુએ કહ્યું કે 2024માં કેપ્ટન બન્યા બાદથી હાર્દિકને ફેન્સના ગંભીર વિરોધ, સતત હૂટિંગ અને કઠોર ટીકાઓનો સામનો કરવો પડ્યો છે. કેટલાક અહેવાલો પ્રમાણે મુંબઇ ઇન્ડિયન્સ અને પંજાબ કિંગ્સ વચ્ચે હાર્દિક પંડ્યા અને અર્શદીપ સિંહની ટ્રેડને લઈને ચર્ચા ચાલી રહી છે.
રાયડુની સલાહ અને ભવિષ્ય વિશે સૂચનો રાયડુનું માનવું છે કે વધારાના દબાણ અને દર્શકોનો વિરોધ હાર્દિકના સ્વાભાવિક પ્રદર્શનને અસર કરી રહ્યાં છે, એટલે રાયડુએ હાર્દિકને કેપ્ટનશીપ ત્યાગી ફક્ત એક ઓલરાઉન્ડર અને ખેલાડી તરીકે રમવાની સલાહ આપી છે.
રાયડુએ જણાવ્યું કે જો હાર્દિક મુંબઇ ઇન્ડિયન્સમાં જ રહે તો પણ તેણે કેપ્ટનપદ નહીં રાખવું જોઇએ અને જો તે અન્ય કોઈ ફ્રેન્ચાઇઝીમાં જાય તો ઓછામાં ઓછી એક સિઝન માટે પણ કેપ્ટનશીપ ન સ્વીકારવી જોઇએ.
IPL 2027ના મેગા ઓક્શન અને ટ્રેડ વિન્ડો આ ચર્ચા IPL 2027ના મેગા ઓક્શન અને ટ્રેડ વિન્ડો પહેલા ઉઠી છે, જ્યારે હાર્દિકના ભવિષ્ય વિશે અનેક ચર્ચાઓ થઈ રહી છે. રાયડુએ ખાસ કરીને પંજાબ કિંગ્સ (PBKS) અને ચેન્નાઇ સુપર કિંગ્સ (CSK)ના નામો ઉઠાવતા જણાવ્યું કે ત્યાં ખેલ તરીકે રમવાથી હાર્દિકનો દબાણ ઘટી શકે અને તેણે ફરી લય અને ફોર્મ મેળવવાનો મોકો મળી શકે છે.