અમદાવાદ: અસારવા-હિંમતનગર અને અસારવા-ખેડબ્રહ્મા રૂટની 4 મેમુ ટ્રેનોના સમયમાં ફેરફાર, 23 નવેમ્બર 2026થી નવું ટાઈમટેબલ લાગુ

અસારવા-હિંમતનગર અને અસારવા-ખેડબ્રહ્મા રૂટની ટ્રેનોના સમયપત્રકમાં ફેરફાર

પશ્ચિમ રેલવેના અમદાવાદ મંડળે અસારવા-હિંમતનગર અને અસારવા-ખેડબ્રહ્મા રૂટ પર દોડતી ચાર મેમુ ટ્રેનોનાં સમયપત્રકમાં ફેરફાર કરી નવું ટાઈમટેબલ જાહેર કર્યું છે. આ નવા સમયપત્રક 23 નવેમ્બર 2026થી અમલમાં આવશે. કોઇક ટ્રેનો વહેલી ઉપડી અને પહોંચશે, જ્યારે એક ટ્રેનનું આગમન મોડું થશે.

દૈનિક મુસાફરી કરતા નોકરિયાત, વિદ્યાર્થીઓ અને વેપારીઓ પર આ ફેરફારનો સીધો પ્રભાવ પડશે. બદલાયેલાં સમયનું વિગતવાર ટ્રેન નંબર 69246 — હિંમતનગર–અસારવા મેમુ (રવિવાર સિવાય અઠવાડિયામાં 6 દિવસ) આ ટ્રેન હિંમતનગર સ્ટેશનથી અગાઉ સવારે 06:10 પર ઉપડતી હતી; નવા સમય અનુસાર હવે તે 10 મિનિટ વહેલી, એટલે કે સવારે 06:00 પર ઉપડશે. રખિયાલ સ્ટેશન પર આ ટ્રેન સવારે 06:54 પર પહોંચશે, નરોડા સ્ટેશન પર સવારે 07:34 પર પહોંચશે અને અસારવા સ્ટેશન પર પહેલાંના 08:10 વાગ્યાના બદલે હવે સવારે 08:00 પર પહોંચશે.

ટ્રેન નંબર 69252 — ખેડબ્રહ્મા–અસારવા મેમુ (દરરોજ) ખેડબ્રહ્મા સ્ટેશનથી આ ટ્રેન પહેલાં સવારે 06:45 પર ઉપડતી હતી; હવે તે 5 મિનિટ વહેલી, એટલે કે સવારે 06:40 પર ઉપડશે. રખિયાલ સ્ટેશન પર ટ્રેન સવારે 08:22 પર, નરોડા સ્ટેશન પર સવારે 08:59 પર અને અસારવા સ્ટેશન પર પહેલા 09:30 ના બદલે હવે 09:25 પર પહોંચશે.

ટ્રેન નંબર 69251 — અસારવા–ખેડબ્રહ્મા મેમુ (દરરોજ) આ ટ્રેન અસારવા સ્ટેશનથી નિર્ધારિત સમયે સાંજે 18:25 પર જ ઉપડશે. નરોડા સ્ટેશન પર આ ટ્રેન સાંજે 18:34 પર, રખિયાલ સ્ટેશન પર 19:06 પર અને હિંમતનગર સ્ટેશન પર 19:57 પર પહોંચશે. ખેડબ્રહ્મા સ્ટેશન પર આ ટ્રેન રાત્રે અગાઉના 21:10 કરતા 5 મિનિટ મોડી, એટલે કે રાત્રે 21:15 પર પહોંચશે.

ટ્રેન નંબર 69245 — અસારવા–હિંમતનગર મેમુ (શનિવાર સિવાય) અસારવા સ્ટેશનથી આ ટ્રેન અગાઉ સાંજે 19:20 પર ઉપડતી હતી; નવા સમય મુજબ હવે તે 15 મિનિટ વહેલી, એટલે કે સાંજે 19:05 પર ઉપડશે. નરોડા સ્ટેશન પર ટ્રેન સાંજે 19:13 પર અને રખિયાલ સ્ટેશન પર 19:46 પર પહોંચશે. હિંમતનગર સ્ટેશન પર આ ટ્રેન અગાઉ રાત્રે 21:45 પર પહોંચતી હતી; હવે તે 40 મિનિટ વહેલી, એટલે કે રાત્રે 21:05 પર પહોંચશે.

મુસાફરો પર અસર અને સૂચના: આ રૂટ પરથી દૈનિક રૂપિયા અપડાઉન કરતા મોટા પ્રમાણમાં મુસાફરો અમદાવાદથી હિંમતનગર અને ખેડબ્રહ્મા તરફ મુસાફરી કરે છે. નવા ટાઈમટેબલની અમલબજાવે પછી નોકરિયાત, વિદ્યાર્થીઓ અને વેપારીઓને પોતાના મુસાફરીના આયોજનમાં ફેરફાર કરવો પડશે. પશ્ચિમ રેલવે દ્વારા જાહેર કરાયેલા નવા સમય મુજબ મુસાફરીની તૈયારીઓ કરવાની મુસાફરોને સૂચના આપવામાં આવી છે.