અમદાવાદમાં પ્રદૂષણનો પ્રકોપ
અમદાવાદમાં દિવાળીની ઉજવણી બાદ હવામાં પ્રદૂષણનું સ્તર ચિંતાજનક રીતે વધ્યું છે. ફટાકડાના ધુમાડા અને વાતાવરણમાં ફેરફારને કારણે શહેરના 17 વિસ્તારોમાં AQI 200ને પાર ગયો છે. સૌથી વધુ પ્રદૂષિત થલતેજમાં AQI 276 નોંધાયો છે અને બાળકો, વૃદ્ધો તથા શ્વાસસંબંધિત રોગી વ્યક્તિઓને ખાસ સાવચેતી રાખવાની તબીબોએ સલાહ આપી છે.
AQI આંકડા
પ્રદૂષણનું કારણ સ્થાનિક અહેવાલો અને સર્વેક્ષણ મુજબ દિવાળીની ઉજવણી દરમિયાન ફટાકડા ફોડતા નીકળેલો ધુમાડો અને વાતાવરણમાં થયેલા ફેરફારો હવાની ગુણવત્તામાં ખરાબી લાવનાર મુખ્ય કારણ બનાવાયા છે. રાજધાની દિલ્હીની જેમ હવે અમદાવાદમાં પણ વાયુ પ્રદૂષણની ગંભીર અસર જોવા મળી રહી છે.
વિભિન્ન વિસ્તારોનાં AQI આંકડા:
- થલતેજ: AQI 276
- હેબતપુર: AQI 264
- સોલા સ્ટેશન-2: AQI 262
- બોપલ: AQI 220
- ઘુમા: AQI 217
- સાઉથ બોપલના વિવિધ સ્ટેશનો પર: AQI 202 થી 240
- શિવલિક લેક વ્યૂ: AQI 234
- વસંતનગર: AQI 228
- સરખેજ: AQI 201
- ચાંદખેડા: AQI 203
- નિકમનગર: AQI 203
- રામનગર: AQI 202
તબીબોની સલાહ
તબીબોએ જણાવ્યુ છે કે હવામાં વધેલા ઝેરી કણોના કારણે નાના બાળકો, વૃદ્ધો અને શ્વાસ અથવા અસ્થમા જેવા રોગો ધરાવતા દર્દીઓ માટે જોખમ વધી ગયું છે. તેઓએ મોર્નિંગ વોક અને રાત્રિના સમયમાં બહાર નીકળતી વખતે માસ્ક પહેરવાની અને જરૂરી સાવચેતી રાખવાની સલાહ આપી છે.