દલેર મહેંદી કુંજાપુરી વિવાદ પર મૌન તોડ્યું
પ્રખ્યાત ગાયક દલેર મહેંદીએ ઉત્તરાખંડના કુંજાપુરી મેળામાં થયેલા વિવાદ અંગે મૌન તોડ્યું છે. ઓક્ટોબરમાં ઉત્તરાખંડમાં યોજાયેલા કુંજાપુરી મેળાના કાર્યક્રમ દરમિયાન સ્થાનિક મંત્રી સુબોધ ઉનિયાલે દલેર મહેંદી પર નશામાં હોવાનો અને લાઇવ ગાવાની જગ્યાએ લિપ-સિંક કરવાનો આરોપ લગાવ્યો હતો, જે બાદથી મોટો વિવાદ ઊભો થયો હતો.
દિવાળી દિવસની પોસ્ટ અને કૃતજ્ઞતા દિવાળી નિમિત્તે સોશિયલ મીડિયા પર શેર કરેલા ભાવુક પોસ્ટમાં દલેર મહેંદીએ ચાહકો, મ્યુઝિક ઉદ્યોગ અને પોતાના પરિવારજનોનો હૃદયથી આભાર માન્યો. પોસ્ટમાં તેમણે લખ્યું: “આ મુશ્કેલ સમયમાં મારો પરિવાર મારી સૌથી મોટી તાકાત બન્યો છે. મારો ભાઈ મીકા સિંહ મારી સાથે ઢાલ બનીને ઊભો રહ્યો, જ્યારે મારી પત્ની તરન, પુત્ર ગુરદીપ અને પુત્રીઓએ પોતાના પ્રેમ અને ધીરજથી મને સંભાળ્યો. પરિવાર માત્ર એ નથી જ્યાં આપણો જન્મ થાય છે, પરંતુ એ લોકો પણ છે જે મુશ્કેલીના સમયે આપણી સાથે ઊભા રહે છે.”
પોસ્ટમાં દલેર મહેંદીએ ચાહકો અને મ્યુઝિક ઉદ્યોગમાંથી મળેલા પ્રેમ અને સમર્થન માટે પણ ખાસ આભાર વ્યક્ત કર્યો. પ્રતિક્રિયા આ વિવાદ સામે દલેર મહેંદીના નાના ભાઈ અને ગાયક મિકા સિંહે મંત્રીએ લગાવેલા આરોપોના કડક વિરોધ કર્યો અને પોતાના ભાઈનું સમર્થન કર્યું છે. ત્યારબાદ ઉત્તરાખંડના મુખ્યમંત્રી પુશ્વર સિંહ ધામી પણ દલેર મહેંદી સાથે સંપર્કમાં આવ્યા છે.
દલેર મહેંદીએ કહ્યું છે કે તેઓ પોતાને નસીબદાર માને છે કે પોતાના જીવનકાળમાં તેમને ચાહકોનો એવો મોટો પ્રેમ અને માન‑સન્માન જોવા અને અનુભવવા મળ્યો છે.