વલસાડમાં વિદેશી દારૂ જપ્ત
વલસાડના ચણવઇ હાઇવે પર લોકલ ક્રાઈમ બ્રાન્ચ (LCB) દ્વારા ગુરુવારે વોચ ગોઠવીને એક આઇશર ટેમ્પો ઝડપવાનો પ્રયાસ કરવામાં આવ્યો હતો. પોલીસે અટકાવવા જતા ટેમ્પો ચાલકે પોલીસને ચકમો આપી ફરાર થઇ ગયો. ઘટનાની વિગત LCBને મળેલી બાતમીના આધારે ચણવઇ હાઇવે પર વોચ ગોઠવવામાં આવી હતી.
બાતમી મુજબ સુરત તરફ જતા તે આઇશર ટેમ્પોને રોકવા પ્રયાસ કરતાં ચાલકે પૂર ઝડપે ટેમ્પો ચલાવી અને થોડી આગળ જઈ ટેમ્પો પાડી ભાગી ગયો. જ્યારે પોલીસે સ્થળ પર તપાસ કરી ત્યારે ટેમ્પામાંથી દારૂની પેટીઓ મળી આવી.
જપ્ત થયેલા મુદ્દામાલ અને આંકડા ટેમ્પામાંથી કુલ 1023 દારૂની પેટીઓ મળી આવી હતી. પેટીઓની ગણતરી બાદ તે દારૂની કિંમત રૂ. 94.86 લાખ ગણવામાં આવી હતી. દારૂ તથા ટેમ્પો સહિત મિલાવીને કુલ રૂ. 1.04 કરોડનો મુદ્દામાલ જપ્ત કર્યો હતો.
કાયદેસરની કાર્યવાહી અને આગળની તપાસ LCB એ દારૂ ભરેલો ટેમ્પો વલસાડ રૂલર પોલીસને હવાલે કર્યા બાદ પ્રોહિબિશનની કલમ હેઠળ ગુનો નોંધ્યો છે અને ફરાર થયેલ ટેમ્પોચાલકને વોન્ટેડ જાહેર કર્યો છે. પોલીસ ટેમ્પાના નંબરના આધારે આરોપી સુધી પહોંચવા માટે તપાસ ચાલુ રાખી રહી છે અને આગળની તપાસ હાથ ધરી છે.