અમદાવાદ જિલ્લાના બાવળા તાલુકાના કેરાળા ગામની સરપંચ રંજનબહેન મનસુખ મેરને પ્રોહિબિશન (દારૂબંધી) કેસમાં સંડોવણીના આરોપોમાં તાત્કાલિક અસરથી સરપંચ પદેથી સસ્પેન્ડ કરવામાં આવ્યા છે. આ કાર્યવાહી ત્યારે કરવામાં આવી જ્યારે રેડ દરમિયાન 12,000 રૂપિયાની કિંમતનો 60 લીટર દેશી દારૂ ઝડપાઈ અને તેમની અટકાયત થઇ હતી.
રેડ દરમિયાન દારૂ ઝડપાયો અને અટકાયત
મળતી માહિતી અનુસાર, કેરાળા GIDC પોલીસ સ્ટેશનની રેડ દરમ્યાન 12,000 રૂપિયાની કિંમતનો 60 લીટર દેશી દારૂનો જથ્થો મળી આવ્યો હતો. આ તપાસ દરમિયાન પ્રોહિબિશન મામલે ગુનો નોંધાતા પોલીસે સરપંચ રંજનબહેન મનસુખ મેરને અટકાયત કરી હતી.
સુનાવણી અને કારણે દર્શાવવા માટે નોટિસ
ગત ઘટના અંગે કાર્યવાહી કરતા પહેલા, ગુજરાત પંચાયત અધિનિયમની કલમ હેઠળ સારૂં કારણ દર્શાવવા માટે સરપંચને નોટિસ મોકલવામાં આવી અને તેમને પોતાનો પક્ષ રજૂ કરવા 4 વખત સુનાવણીની તક આપી હતી. તેમ છતાં માહિતી મુજબ રંજનબહેન દ્વારા યોગ્ય આધાર-પુરાવો કે સ્પષ્ટ ખુલાસો રજૂ કરવામાં આવ્યો ન હતો.
સસ્પેન્શનનો હુકમ અને અધિકારી
સરપંચ સામે લગાયેલા આ ગંભીર આરોપો અને નૈતિક ઉલ્લંઘનના મુદ્દ્યાને ધ્યાનમાં રાખીને અમદાવાદ જિલ્લા વિકાસ અધિકારી (DDO) વિદેહ ખરે દ્વારા તેમની સામે તાત્કાલિક અસરથી સરપંચ પદેથી સસ્પેન્ડ કરવાનો સત્તાવાર હુકમ આપવામાં આવ્યો છે.
સરપંચ ઉપર લાગેલા આરોપો અંગે સમગ્ર પંથકમાં ચર્ચા જોવા મળી છે. પ્રોહિબિશન કેસની આગળની તપાસ અને જરૂરી વહીવટી પગલાં અંગે પોલીસ અને વહીવટી તંત્ર દ્વારા યોગ્ય કાર્યવાહી ચાલુ રહેશે.