Correct the Map પર ભારતનો સ્પષ્ટ જવાબ: જમ્મુ-કાશ્મીર અને લદ્દાખની ખોટી પ્રતીતિ અસ્વીકાર્ય

ભારતનું સ્પષ્ટ નિવેદન

સંયુક્ત રાષ્ટ્ર મહાસભાના “Correct the Map” ઠરાવ બાદ ભારતે પોતાનું વલણ સ્પષ્ટ કર્યું છે. મહાસભાએ 4 સપ્ટેમ્બરના રોજ સમાન-ક્ષેત્ર નકશા પ્રદર્શનને પ્રોત્સાહન આપતો ઠરાવ પસાર કર્યો અને તેને 164 દેશોએ ટેકો આપ્યો. વિદેશ મંત્રાલયે જણાવ્યું છે કે ભારત સમાન-ક્ષેત્ર નકશા પ્રતિનિધિત્વના મૂલભૂત સિદ્ધાંતને સમર્થન આપે છે, પરંતુ આનો અર્થ એ નથી કે ભારત કોઈ ચોક્કસ નકશો અથવા પ્રોજેક્શનને સમર્થન આપે છે.

MEA ની સ્પષ્ટતા

વિદેશ મંત્રાલય (MEA) ના પ્રવક્તા રણધીર જયસ્વાલે કહ્યું કે ભારતના “explanation of vote” માં ખુબજ સ્પષ્ટ રીતે જણાવાયું હતું કે ઠરાવનો હેતુ equal-area cartographic representation ને પ્રોત્સાહન આપવાનો છે, પણ તે કોઈ નિશ્ચિત નકશો, પ્રોજેક્શન અથવા રાષ્ટ્રીય સરહદોના ચોક્કસ દર્શનને સમર્થન નથી આપતો. મંત્રાલયે પુનરાવર્તન કર્યું કે ભારતની સાર્વભૌમતા અને પ્રાદેશિક અખંડિતતા અવર્તિત છે અને જમ્મુ અને કાશ્મીર તેમજ લદ્દાખ જેવા કેન્દ્રશાસિત પ્રદેશો દેશના સત્તાવાર નકશા અનુસાર જ દર્શાવવામાં આવવા જોઈએ; કોઈપણ ભ્રામક અથવા ખોટી પ્રતીતિ અસ્વીકાર્ય છે.

નકશા પ્રોજેક્શન અંગેની ચર્ચા

નકશા પ્રોજેક્શન અંગેની સ્પષ્ટતા કઈંક અહેવાલોએ ઠરાવ પછી સંયુક્ત રાષ્ટ્રે પરંપરાગત Mercator projectionની જગ્યાએ નવા Equal Earth નકશા અપનાવ્યો હોવાનું સૂચવ્યું છે. તેમ છતાં MEA દ્વારા સ્પષ્ટ કરવામાં આવ્યું છે કે ઠરાવ કોઈ ચોક્કસ નકશો અથવા projection ને સમર્થન આપતો નહીં અને નકશા પ્રોજેક્શન બદલવાથી આંતરરાષ્ટ્રીય સરહદોમાં કોઈ ફેરફાર થતો નથી. સંયુક્ત રાષ્ટ્ર મહાસભાનો આ ઠરાવ રાજકીય સીમાઓ, વિવાદિત પ્રદેશો અથવા સ્થળના નામો અંગે કોઈ નિર્ણય લેતો નથી, અને ભારતનું તાજેતરનું નિવેદન આ ભેદને સ્પષ્ટ કરે છે.