ભાવનગર લઠ્ઠાકાંડમાં મૃત્યુઆંક વધીને 9 પર પહોંચ્યો
ભાવનગરમાં થયેલા લઠ્ઠાકાંડમાં મૃત્યુઆંક વધીને 9 થઈ ગયો છે. હાર્દિક નામના વધુ એક વ્યક્તિનું સારવાર દરમિયાન મૃત્યુ થયું છે જ્યારે અનેક લોકો પ્રભાવિત થયા હોવાની માહિતી મળી રહી છે. પોલીસ અને સંબંધિત તંત્ર તમામ બાબતોની તપાસ તેજ રીતે કરી રહ્યા છે.
ઘટનાની વિગત આઘાતજનક બનાવમાં અત્યાર સુધી કુલ નવ લોકોની ગુજરી જવાની જાણ થઈ છે. અસરગ્રસ્તોમાં કેટલાકનું સારવાર ચાલી રહ્યું છે અને સમગ્ર મામલે તપાસને પ્રાથમિકતા આપવામાં આવી છે. સમગ્ર વિસ્તારમાં લોકોમાં ચિંતા અને રોષનો માહોલ જોવા મળી રહ્યો છે.
અરોપીઓની ધરપકડ
સિહોર પોલીસ દ્વારા બે આરોપીઓને ઝડપી લેવામાં આવ્યા છે. પ્રવીણ જાદવ અને અશ્વિન જાદવ નામના બંને શખ્સોની ધરપકડ કરવામાં આવી છે. બંનેની પૂછપરછ દરમિયાન નકલી દારૂના જથ્થા સાથે જોડાયેલી મહત્વપૂર્ણ વિગતો સામે આવી છે. પોલીસની તપાસમાં ખુલ્યું છે કે બંને આરોપીઓએ વરતેજના હરદીપ મોરી પાસેથી રોયલ સ્ટેગ દારૂની 54 બોટલ ખરીદી હતી.
તપાસ મુજબ લઠ્ઠાકાંડ સર્જાયા બાદ બંનેએ સર અને સાગવાડીના ડુંગરની નજીક દારૂનું નાશ કર્યું હોવાનું પણ સામે આવ્યું છે. પોલીસે બંનેની ધરપકડ કરીને વધુ તપાસ હાથ ધરી છે.
રઈસ અન્સારીની ભૂમિકા
લઠ્ઠાકાંડના મુખ્ય સૂત્રધાર રઈસ અન્સારીને કોર્ટમાં રજૂ કરવામાં આવ્યો હતો. SMC દ્વારા 14 દિવસના રિમાન્ડની માગ કરવામાં આવી હતી, ત્યારે કોર્ટે તમામ દલીલો સાંભળ્યા બાદ રઈસ અન્સારીને 9 દિવસના રિમાન્ડ પર મંજૂર કર્યો છે.
ગૌતમ સોલંકી અને રઈસ અન્સારીની ભૂમિકા તપાસના દોરાન ગૌતમ સોલંકી અને રઈસ અન્સારી દ્વારા નકલી દારૂ બનાવવામાં આવ્યો હોવાની વિગતો સામે આવી છે. પોલીસ હાલમાં નકલી દારૂ બનાવવાની પ્રક્રિયા, તેમાં વપરાયેલા મટીરીયલ અને સમગ્ર નેટવર્ક અંગે તપાસ કરી રહી છે.
જુબેર અને અમદાવાદથી મટીરીયલ ખરીદીની તપાસ રઈસ અન્સારી સાથે જોડાયેલું હતુ ત્યારે જુબેર નામનો એક વ્યક્તિ પણ તપાસના હેતુમાં સામે આવ્યો છે. પોલીસની આગળની કામગીરી રઈસ અન્સારીના 9 દિવસના રિમાન્ડ દરમિયાન નકલી દારૂના ઉત્પાદનથી લઈને વિતરણ સુધીના સમગ્ર નેટવર્કની વિગતો એકત્રિત કરવાનો પ્રયત્ન કરશે.
મૃત્યુંઆંક વધતા અને કેસને લઇને જનતા વચ્ચે ચિંતા અને રોષ ફેરવાયેલું જોવા મળી રહ્યું છે.