Air India Expressની નવી ઓફર
Air India Expressએ તહેવારની સીઝન પહેલા વિદ્યાર્થીઓ માટે નવી ઓફર શરૂ કરી છે. આ ઓફર હેઠળ ઘરેલુ ફ્લાઇટની ટિકિટ પર વિદ્યાર્થીઓને 10% ડિસ્કાઉન્ટ મળશે અને સ્ટુડન્ટ ફેરમાં 25 કિલો સુધીનું ચેક-ઇન બેગેજ આપવામાં આવશે. ઓફર Value Fare અથવા બેઝ ફેર પર લાગુ થાય છે અને સીધી એરલાઇનની વેબસાઇટ અને મોબાઇલ એપથી બુકિંગ કરતા વધારાના લાભ મળી રહ્યા છે.
ઓફરની વિગતો
ઓફરની મુખ્ય વિગતો એરલાઇનની જાહેરાત અનુસાર વિદ્યાર્થીઓને ટિકિટના બેઝ ફેર પર સીધું 10% ડિસ્કાઉન્ટ મળશે. સ્ટુડન્ટ ફેરમાં મળતું 25 કિલો ચેક-ઇન બેગેજ સામાન્ય 15 કિલો મર્યાદાની તુલનામાં 10 કિલો વધારે છે. બુકિંગ સાથેના વધારાના લાભ વિદ્યાર્થીઓને સીધી Air India Expressની વેબસાઇટ અથવા મોબાઇલ એપથી બુકિંગ કરવાથી વધારાની પ્રોમોશનલ ઑફર્સ મળી રહી છે.
વધારાના લાભો
વેબસાઇટ પર હાલની ઓફર માં Book Direct અને Visa કાર્ડ ઓફર સામેલ છે. પાત્ર Visa ડેબિટ અથવા ક્રેડિટ કાર્ડથી ટિકિટ બુક કરનાર પ્રતિ મુસાફર સુધીમાં 600 રૂપિયા સુધીનું ડિસ્કાઉન્ટ મેળવી શકે છે. આ ઓફરની શરતો અને માન્યતા બુકિંગ સમયે લાગુ પડતા નિયમો પર આધારિત રહેશે.
મુસાફરીની તારીખ બદલવાની સુવિધા
વિદ્યાર્થીઓ માટે મુસાફરીની તારીખ બદલીવાની સુવિધા માત્ર 99 રૂપિયામાં ઉપલબ્ધ છે. આ ઓફરનો લાભ લેવા માટે વિદ્યાર્થીની ઊંમર ઓછામાં ઓછા 12 વર્ષ હોવી જરૂરી છે. મુસાફરી દરમિયાન વિદ્યાર્થીઓએ કોઈ માન્ય શૈક્ષણિક સંસ્થામાંથી આપવામાં આવેલું માન્ય ફોટો આઈડી બતાવવું પડશે. આ આઈડીમાં વિદ્યાર્થીનું નામ અને જન્મતારીખ હોવી જરૂરી છે અને એરપોર્ટ પર ચેક-ઇન સમયે આ આઈડી બતાવવી ફરજિયાત રહેશે.
વિદ્યાર્થીઓ માટે ઉપયોગી
એરલાઇનની જાણકારી પ્રમાણે આ ઓફર ખાસ કરીને એવા વિદ્યાર્થીઓ માટે ઉપયોગી છે જેઓ અભ્યાસ, રજાઓ અથવા તહેવાર દરમિયાન ઘર અને કોલેજ વચ્ચે હવાઈ મુસાફરી કરતા હોય. Air India Express ઘરેલુ અને આંતરરાષ્ટ્રીય બંને રૂટ પર ફ્લાઇટ્સ ચલાવે છે અને તેની વેબસાઇટ પર સ્ટુડન્ટ ફેરની વિગત આપવામાં આવી છે.