ભાગેડુ લલિત મોદીને બ્રિટિશ નાગરિકત્વ મળ્યું : કહ્યું મારા માટે આ જ ઘર છે

લલિત મોદીને બ્રિટિશ નાગરિકત્વ મળ્યું

લંડન: ઇંડીયન પ્રીમીયર લીગ (આઈ.પી.એલ.)ના સ્થાપક લલિત મોદીએ શનિવારે જાહેર કર્યું કે તેમને ૧૫મી સપ્ટેમ્બર ૨૦૨૬ના દિવસે સત્તાવાર રીતે બ્રિટિશ નાગરિકત્વ આપવામાં આવ્યું છે. ૧૪મી નવેમ્બરે ઓક્સફર્ડ યુનિયનમાં તેમણે આ બાબત જાહેર કરી હતી અને આને જીવનની અનોખી અને ગર્વપૂર્ણ ક્ષણ batાવી.

ઓક્સફર્ડ યુનિયનમાં કર્યો સંબોધન મોદીએ ઓક્સફર્ડ યુનિયનને સંબોધતા જણાવ્યું કે નાગરિકત્વ મળતાં તેમનું કુટુંબજનો અને મિત્રવૃંદ સાથે જશ્ન મનાવ્યો. તેમણે કહ્યું કે યુકે વર્ષોથી તેમનું ઘર રહ્યું છે અને અહીંના લોકો, સંસ્થાઓ અને પરંપરાઓને તેઓ સન્માનથી જોવે છે.

તેઓનાં નિવેદનો મુજબ, બ્રિટિશ નાગરિક બનવું માત્ર વિશેષાધિકાર નથી, તે એક જવાબદારી પણ છે. તેમણે કહ્યું કે તેમણે ગર્વ, કૃતજ્ઞતા અને પોતાપણાની ગહન ભાવના સાથે નાગરિકત્વ સ્વીકાર્યું છે અને તેઓ આ દેશમાં સકારાત્મક યોગદાન આપતા રહેશે.

સોશિયલ મીડિયા પોસ્ટ અને અન્ય માહિતીમાં મોદીએ લખ્યું: “ગર્વની ક્ષણ. એક નવો અધ્યાય. આજ ૧૪મી નવેમ્બર મને ઓક્સફર્ડ યુનિયનને સંબોધિત કરવાનું સૌભાગ્ય મળ્યું.”

તેમણે જણાવ્યું કે તેમની જીંદગીની સફર વિવિધ સંસ્કૃતિઓ અને અનુભવોથી ઘડાઇ છે અને તેઓ વહેલામાં વહેલી તકે ભારત પણ જશે. વિશેષ નોંધમાં મોદીએ ઉમેર્યું કે તેમને કીંગ ચાર્લ્સ તૃતીયના જન્મદિને જ બ્રિટિશ નાગરિકત્વ મળતા તેઓ વધુ ધન્યતા અનુભવી રહ્યા છે.

તેમનાં વક્તવ્યનું સમાપન તેમણે ઇંગ્લેન્ડના રાષ્ટ્રગીતની પ્રથમ કંડિકા “ગોડ સેવ ધ કિંગ” સાથે કર્યું.