ગુજરાત સરકારે સોલાર રૂફટોપ સબસિડી જાહેર કરી
ગાંધીનગર: રાજ્ય સરકારે ‘પીએમ સૂર્ય ઘર’ યોજના હેઠળ રૂફટોપ સોલાર સિસ્ટમ માટે વધારાની સ્ટેટ સબસિડી જાહેર કરવાની કેબિનેટમાં 21 ઓક્ટોબર, 2026ના રોજ લીધેલી નોંધનીય નિર્ણયો અંતર્ગત ફૈસલો કર્યો છે. કેબિનેટે 2 કિલોવોટ સુધીની ક્ષમતા ધરાવતી સોલાર રૂફટોપ સિસ્ટમો માટે વધારાની સબસિડી સાથે સામાન્ય પરિવારો માટે કુલ ખર્ચનો માત્ર 10% અને અનુસૂચિત જાતિ (SC) અને અનુસૂચિત જનજાતિ (ST) માટે કુલ ખર્ચનો માત્ર 5% ફાળો રાખવાનો નિર્ણય કર્યો છે.
રાજ્ય સરકારે અંદાજે રૂ. 1,000 કરોડનો ખર્ચ ભોગવી 3 લાખથી વધુ પરિવારોને આ સબસિડી હેઠળ લાભ આપશે. સબસિડિનો વિસ્તાર અને લાગુ કરવાની રીત કેબિનેટના નિર્ણય મુજબ પીએમ સૂર્ય ઘર: મુફ્ત બિજલી યોજના હેઠળ 1 કિલોવોટ અને 2 કિલોવોટ સુધીની રૂફટોપ સોલાર સિસ્ટમો માટે કેન્દ્ર સરકારની આપેલી સહાયને ધ્યાનમાં લેતા જે બાકી રકમ રહે છે, એ રાજ્ય સરકાર સબસિડી રૂપે આવરી લેશે.
પરિણામે સામાન્ય વીજ ગ્રાહકોએ કુલ ખર્ચનો માત્ર 10% અને SC/ST કેટેગરીના વીજ ગ્રાહકોએ કુલ ખર્ચનો માત્ર 5% ફાળો જ આપવો પડશે. 1 કિલોવોટ અને 2 કિલોવોટ માટે ખર્ચના ઉદાહરણ મંત્રીએ ઉદાહરણ આપતાં જણાવ્યું કે 1 કિલોવોટ ક્ષમતા ધરાવતી સોલાર સિસ્ટમ માટે કુલ ખર્ચ રૂ. 54,000 થાય છે. તેમાં કેન્દ્ર સરકાર તરફથી રૂ. 32,400નું સહાય ઉપલબ્ધ છે અને અગાઉ બાકીની રૂ. 21,600 લાભાર્થીએ ચૂકવવી પડતી હતી. હવે રાજ્ય સબસિડીને કારણે સામાન્ય નાગરિકોએ માત્ર રૂ. 5,400 અને SC/ST વર્ગના નાગરિકોએ માત્ર રૂ. 2,700 જ ચૂકવવાના રહેશે.
જેથી જ 2 કિલોવોટ ક્ષમતા ધરાવતી સિસ્ટમ માટે કુલ ખર્ચ રૂ. 1,07,200 થાય છે. તેમાં કેન્દ્રનું અનુદાન રૂ. 62,800 છે અને અગાઉ બાકી રહેતી રકમ રૂ. 44,400 લાભાર્થીએ ભરી થતી હતી. નવી સ્ટેટ સબસિડી પછી સામાન્ય નાગરિકોએ માત્ર રૂ. 10,720 અને SC/ST વર્ગના નાગરિકોએ માત્ર રૂ. 5,360 જ ચૂકવવાના રહેશે. કેન્દ્ર સરકારની સહાય બાદ બાકી રકમ રાજ્ય સરકાર સબસિડી તરીકે ભોગવશે.
રાજ્યમાં રૂફટોપ સોલારનું હાલનું દૃશ્ય અને પરિણામ અત્રે ઉલ્લેખનીય છે કે હાલમાં સુધી રાજ્યમાં 14 લાખથી વધુ પરિવારોએ ઘરની છત પર સોલાર સિસ્ટમ લગાવી છે. તેમાંથી ‘પીએમ સૂર્ય ઘર’ યોજના હેઠળ જ 8.5 લાખથી વધુ ઘરો પર સોલાર રૂફટોપ સ્થાપિત થયા છે અને ગુજરાતે આ પ્રમાણે સમગ્ર દેશમાં પ્રથમ સ્થાન મેળવ્યું છે. સૂત્રોના જણાવ્યા અનુસાર આ યોજનાના પરિણામે નાગરિકોનું વીજ બિલ ઘટી રહ્યા છે અને વધારાની વીજળી ઉત્પન્ન કરી ઘણા પરિવારોને આવક પણ મળી રહી છે. બજેટ અને લાભાર્થી સંખ્યા રાજ્ય સરકાર આ કાર્યક્રમ માટે અંદાજે રૂ. 1,000 કરોડ ખર્ચ કરવા ની યોજના રાખી રહી છે અને તેના માધ્યમથી 3 લાખથી વધુ પરિવારોને સીધો લાભ પહોંચાડવાનો ઉદ્દેશ છે.