વડોદરામાં સહકારનગર આવાસ યોજનામાં ભાડા વિવાદ
વડોદરાના તાંદળજા સ્થિત સહકારનગર હાઉસિંગ પ્રોજેક્ટ (પ્રધાનમંત્રી આવાસ યોજના, પીપીપી મોડેલ) ખાતે 1428 ઝૂંપડાવાસીઓ માટે પાકાં મકાન અને 78 દુકાનો નિર્માણના મામલે જમીન ફાળવણી અને ભાડાની બાકી રકમને લઈ વિવાદ ઊભો થયો છે. પ્રોજેક્ટમાં ડેવલોપર અને વડોદરા મ્યુનિસિપલ કોર્પોરેશન બંને તરફથી ચુકવેલ અને બાકી રહેલ ભાડા વિષયક વ્યક્ત થયેલ દાવાઓ સ્થાયી સમિતિ સામે રજૂ કરવામાં આવ્યા છે.
વિશેષત્તઃ 71 મહિનાના ગાળામાં ડેવલોપર દ્વારા 58 મહિનાનું રૂ.16.56 કરોડ ભાડું ચુકવવામાં આવ્યું છે અને 13 મહિનાનું રૂ.3.71 કરોડ બાકી હોવાનું દરખાસ્તમાં જણાવાયું છે, જ્યારે કોર્પોરેશનએ 30 મહિના માટે રૂ.8.56 કરોડ ભાડું ચૂકવ્યું છે. પ્રોજેક્ટનું સ્થળ અને માળખું યોજના તાંદળજા, ટીપી-22, રે. સર્વે નંબર 444, ફાઇનલ પ્લોટ નંબર 234 ખાતે અમલમાં મુકાઇ છે.
આ પરિયોજનામાં કુલ 44,304.76 ચોરસ મીટર પર 1428 લાભાર્થીઓ માટે પાકાં મકાન અને 78 દુકાનો બનાવવા નક્કી કરવામાં આવ્યા છે. પ્રોજેક્ટ મુજબ દરેક લાભાર્થીને દર મહિને રૂ.2,000 ભાડું ચૂકવવાની વ્યવસ્થા નક્કી કરવામાં આવી હતી. ટેન્ડર મંજૂરી અને ખર્ચ વર્ષ 2016માં સ્થાયી સમિતિએ ડેવલોપર તરીકે ટ્યુબ કન્સ્ટ્રક્શન એન્જિનિયર લિમિટેડના ભાવપત્રકને મંજૂરી આપી હતી.
તે મુજબ રિહેબિલિટેશન માટે રૂ.81.41 કરોડ અને નેટ પ્રીમિયમ રૂ.15.61 કરોડ મળી કુલ રૂ.97.2 કરોડનો મંજૂર ભાવે ભાવપત્રક બનાવાયો હતો. ડેવલોપરને 24 ઓક્ટોબર, 2016ના રોજ 18 મહિના માટે લેટર ઓફ એક્સટેન્શન આપવામાં આવ્યો હતો, જેની મુદત 23 એપ્રિલ, 2018 સુધી હતી.
જમીન ફાળવણી અને તળાવ મુદ્દો સ્થળ પર તળાવનું નવીનીકરણ અને સૌંદર્યીકરણ માટે 4,200 ચોરસ મીટર જગ્યા વડોદરા કોર્પોરેશનને ફાળવવામાં આવી હતી. જીડીસીઆર મુજબ તેની ફરતે છોડવાપાત્ર જગ્યાને ઉમેરી કુલ 7,104.96 ચોરસ મીટર તળાવ માટે ખુલ્લી રાખવામાં આવતી જગ્યાની વ્યવસ્થા કરવામાં આવી છે.
પર્યાવરણ મિત્ર દ્વારા વર્ષ 2021માં સુપ્રીમ કોર્ટમાં પીઆઇએલ દાખલ થયા બાદ કોર્પોરેશન દ્વારા સોગંદનામું રજૂ કરવામાં આવ્યું હતું. ટેન્ડર શરતો અનુસાર ડેવલોપરને જરૂરી જમીન પૂરા પાડવા માટે વિકલ્પરૂપે પ્લોટ નં. 235, 236 અને 157 માંથી જમીન ફાળવવાની સાદગી વર્ષ 2022માં સામાન્ય સભાની મંજૂરી મેળવી હતી અને ત્યારબાદ ડેવલોપરને વર્ક ઓર્ડર આપવામાં આવ્યો હતો.
ભાડાની ચુકવણીનો સમયરેખા ડેવલોપરે લાભાર્થીઓને વર્ષ 2017થી 2018 દરમિયાન 18 મહિના માટે દર મહિને રૂ.2,000 મુજબ ભાડું ચૂકવ્યું હતું. ત્યારબાદ જૂન 2019થી ભાડાની ચુકવણી બંધ થઇ ગઇ હતી. વર્ષ 2019માં સ્થાયી સમિતિએ જૂન 2019થી ત્યાં સુધીનું બાકી ભાડું અને મકાનોનો કબજો સોંપવામાં ન આવે ત્યાં સુધીના સમયગાળાનું ભાડું ચૂકવવાની મંજૂરી આપતાં, કોર્પોરેશને નવેમ્બર 2021 સુધીના કુલ 30 મહિનાનું રૂ.8.56 કરોડ ભાડું ચૂકવ્યું હતું.
પ્રોજેક્ટનું ખાતમુહૂર્ત થયા બાદ વર્ષ 2022માં ડેવલોપર દ્વારા ભાડું ચૂકવવાની પ્રક્રિયા શરૂ કરવામાં આવી હતી. ડેવલોપરની સ્થિતિ અને રજૂઆત ડેવલોપર તરફથી જણાવાયું છે કે 71 મહિનાના સમયગાળામાંથી 58 મહિનાનું કુલ રૂ.16.56 કરોડ ભાડું ચૂકવવામાં આવ્યું છે અને બાકી 13 મહિનાનું રૂ.3.71 કરોડ ચૂકવવાનું બાકી છે.
ડેવલોપરે કાનૂની વિવાદો અને જમીન તથા જરૂરી પરવાનગીઓમાં થયેલા વિલંબને કારણે પરિસ્થિતિ પર આર્થિક ભાર વધી ગયાનું ઉલ્લેખ કર્યો છે અને ભાડા સંબંધિત નિરાકરણ માટે લેખિત દરખાસ્ત રજૂ કર્યું છે. મંજૂરી, કામગીરી અને આગળની કાર્યવાહી ઠરાવમાં અન્ય ત્રણ પ્લોટની જમીન ફાળવવા માટે સરકારની પૂર્વ મંજૂરીનો ઉલ્લેખ હોવાનાં કારણે જમીન ફાળવણીની પ્રક્રિયા અટકી ગઇ હતી.
અંતે સરકાર તરફથી 10 જાન્યુઆરી, 2025ના રોજ મંજૂરી આપવામાં આવી. ડેવલોપરે પ્રોજેક્ટની 40 ટકાથી વધુ ભૌતિક કામગીરી પૂર્ણ કરી છે. નિયમો મુજબ 25 ટકા કામગીરી પૂર્ણ થયા પછી બાકી રહેલી જમીનના દસ્તાવેજો કરી સોંપવાની વિધિ હોય છે.
ડેવલોપર દ્વારા ચૂકવાયેલ અને ભવિષ્યમાં ચૂકવવાની બાકી રહેલી રકમ બાબતેની દરખાસ્તને સ્થાયી સમિતિ દ્વારા સમગ્ર સભામંથન માટે રજૂ કરવામાં આવી છે અને આખી સભા દ્વારા અંતિમ નિર્ણય લેવામાં આવશે.