જામનગરની જી.જી. હોસ્પિટલમાં ક્ષયની રોગથી સારવાર લઈ રહેલા મચ્છરનગરના 42 વર્ષીય વનરાજસિંહ કનકસિંહ પરમારનું 16 ઓક્ટોબરે સાંજે 4:45 વાગ્યે સારવાર દરમિયાન અવસાન થયું. દર્દી છેલ્લાં એક મહિનાથી હોસ્પિટલના નવા બિલ્ડિંગના ત્રીજા માળે આવેલા ક્ષયરોગ વિભાગના બેડ નં. 792 પર દાખલ હતા અને ત્યાં તેમની સારવાર ચાલી રહી હતી.
મૃતકના મોત અંગેની માહિતી
મૃતકના મોત અંગે 17 ઓક્ટોબરે સામાજિક કાર્યકર હિતેશગીરી ગોસાઈએ પોલીસને જાણ કરી હતી. મૃત્યુની વિગતો પોલીસ દ્વારા જણાવ્યા પ્રમાણે વનરાજસિંહ કનકસિંહ પરમાર (ઉં.વ. 42) છેલ્લા એક મહિનાથી જી.જી. હોસ્પિટલમાં દાખલ હતા અને ક્ષયની સારવાર લઈ રહ્યા હતાં. તા. 16 ઓક્ટોબરના સાંજે આશરે 4:45 વાગ્યે ફરજ પરના તબીબે તપાસ કરી તેમને મૃત જાહેર કર્યા હોવાનું પોલીસ રેકોર્ડમાં દર્શાવવામાં આવ્યું છે.
પોલીસ તપાસ સામાજિક કાર્યકર હિતેશગીરી ગોસાઈએ 17 ઓક્ટોબરે પોલીસને જાણ કર્યાથી સીટી બી ડિવિઝન પોલીસ સ્ટેશનમાં ભારતીય નાગરિક સુરક્ષા સંહિતાની કલમ 194 મુજબ અકુદરતિ મૃત્યુની નોંધ કરવામાં આવી છે. પોલીસે ઘટનાની વધુ તપાસ અને જરૂરી કાર્યવાહી હાથ ધરી છે.