Maruti Suzuki Gujarat Plant ગુજરાતમાં ઓટોમોબાઇલ ક્ષેત્રે ઐતિહાસિક પગલું ભરતા મારુતિ સુઝુકી ઇન્ડિયા લિમિટેડ ખોરજ ખાતે 35 હજાર કરોડ રૂપિયાનું વિશાળ રોકાણ કરીને નવી કાર ઉત્પાદન ફેક્ટરી સ્થાપશે. આ પ્લાન્ટમાં દર વર્ષે 10 લાખ કારનું ઉત્પાદન થશે અને અંદાજે 12 હજાર લોકોને સીધી રોજગારી મળશે. મુખ્યમંત્રી ભૂપેન્દ્ર પટેલ અને મારુતિ સુઝુકીના એમડી હિતાશી તાકેઉચીની ઉપસ્થિતિમાં ગાંધીનગર ખાતે ઇન્વેસ્ટમેન્ટ લેટર હેન્ડ ઓવર કાર્યક્રમ યોજાયો.
ગુજરાતમાં વધુ એક ઐતિહાસિક ઉદ્યોગિક પગલું – Maruti Suzuki Gujarat Plant
મેક ઇન ઇન્ડિયા – મેઈડ ફોર ધ વર્લ્ડના વડાપ્રધાન શ્રી નરેન્દ્રભાઈ મોદીના ધ્યેયને સાકાર કરતી દિશામાં ગુજરાતે વધુ એક મજબૂત કદમ ભર્યું છે. રાજ્યના ઉદ્યોગિક વિકાસમાં નવી ઉમેરા રૂપે Maruti Suzuki Gujarat Plant માટે 35 હજાર કરોડ રૂપિયાનું વિશાળ રોકાણ કરવામાં આવી રહ્યું છે.
Maruti Suzuki Gujarat Plant માટે ગાંધીનગરમાં મહત્વપૂર્ણ કાર્યક્રમ
મુખ્યમંત્રી શ્રી ભૂપેન્દ્ર પટેલ અને મારુતિ સુઝુકી ઇન્ડિયા લિમિટેડના મેનેજિંગ ડિરેક્ટર શ્રી હિતાશી તાકેઉચીની ઉપસ્થિતિમાં ગાંધીનગર ખાતે રાજ્ય સરકાર અને કંપની વચ્ચે ઇન્વેસ્ટમેન્ટ લેટર હેન્ડ ઓવર સેરીમની યોજાઈ હતી. આ કાર્યક્રમમાં નાયબ મુખ્યમંત્રી શ્રી હર્ષ સંઘવી પણ વિશેષ ઉપસ્થિત રહ્યા.
ખોરજ ખાતે વિકસશે Maruti Suzuki Gujarat Plant
ખોરજ ખાતે ગુજરાત ઇન્ડસ્ટ્રીયલ ડેવલપમેન્ટ કોર્પોરેશન (GIDC) દ્વારા ઉપલબ્ધ કરાયેલી 1750 એકર જમીન પર આ વિશાળ પ્લાન્ટ વિકસાવવામાં આવશે. આ Maruti Suzuki Gujarat Plantમાં કુલ ચાર ઉત્પાદન એકમો ઉભા કરાશે, જેમાંથી દરેકની ક્ષમતા દર વર્ષે 2.5 લાખ કાર બનાવવાની રહેશે.
આ રીતે સંયુક્ત રીતે આ પ્લાન્ટમાં દર વર્ષે કુલ 10 લાખ કારનું ઉત્પાદન શક્ય બનશે. પ્રથમ પ્લાન્ટનું ઉત્પાદન નાણાકીય વર્ષ 2029થી શરૂ કરવાની યોજના છે.
આ પણ વાંચો ગાંધીનગર સમાચાર
Maruti Suzuki Gujarat Plantથી વિશાળ રોજગારી સર્જાશે
આ પ્રોજેક્ટથી ગુજરાતમાં રોજગાર સર્જનમાં પણ ક્રાંતિકારી પરિવર્તન આવશે.
Maruti Suzuki Gujarat Plantના કારણે
- અંદાજે 12,000 સીધી રોજગારી
- આશરે 7.50 લાખથી વધુ પરોક્ષ રોજગારી
- આસપાસના વિસ્તારોમાં MSME અને ancillary unitsનો વિકાસ
- સમગ્ર ઓટોમોબાઇલ ક્લસ્ટરનું નિર્માણ
આ તમામ પરિબળો ગુજરાતને દેશના સૌથી મોટા ઓટો હબ તરીકે વધુ મજબૂત ઓળખ આપશે.
Make in India ધ્યેયને બળ આપતું Maruti Suzuki Gujarat Plant
મુખ્યમંત્રી શ્રી ભૂપેન્દ્ર પટેલે જણાવ્યું કે Maruti Suzuki Gujarat Plant માત્ર એક નવી ફેક્ટરી નથી, પરંતુ ભારતના સૌથી મોટા અને સૌથી સ્પર્ધાત્મક ઓટોમોબાઇલ મેન્યુફેક્ચરિંગ કોરિડોરને વધુ મજબૂત બનાવતું પગલું છે.
તેમણે જણાવ્યું કે વડાપ્રધાન શ્રી નરેન્દ્રભાઈ મોદીના નેતૃત્વ હેઠળ ગુજરાત પોલીસી-ડ્રીવન સ્ટેટ તરીકે વિકસ્યું છે. મજબૂત ઇન્ફ્રાસ્ટ્રક્ચર, ઉદ્યોગમિત્ર નીતિઓ અને ઝડપી મંજૂરી પ્રણાલી ગુજરાતને રોકાણ માટે પ્રથમ પસંદગી બનાવે છે.
ભારત–જાપાન સહકારનું ઉત્તમ ઉદાહરણ
Maruti Suzuki Gujarat Plant ભારત અને જાપાન વચ્ચેના મજબૂત વ્યાપારિક સંબંધોનું પણ પ્રતિબિંબ છે. મુખ્યમંત્રીએ પોતાની જાપાન મુલાકાત દરમિયાન સુઝુકીના CEO દ્વારા ગુજરાતને “સેકન્ડ હોમ” તરીકે સંબોધવામાં આવ્યું તે વાત યાદ કરી.
નાયબ મુખ્યમંત્રી શ્રી હર્ષ સંઘવીએ જણાવ્યું કે વાઇબ્રન્ટ ગુજરાત સમિટની શરૂઆતથી જ જાપાન રાજ્યનો મુખ્ય ભાગીદાર રહ્યો છે અને આ પ્રોજેક્ટ એ ભાગીદારીનું વધુ એક મજબૂત ઉદાહરણ છે.
મારુતિ સુઝુકીનું દ્રષ્ટિકોણ
મારુતિ સુઝુકી ઇન્ડિયા લિમિટેડના એમડી શ્રી હિતાશી તાકેઉચીએ ગુજરાત સરકાર તરફથી મળતા સતત સહયોગની પ્રશંસા કરી. તેમણે જણાવ્યું કે Maruti Suzuki Gujarat Plant દ્વારા કંપની મેક ઇન ઇન્ડિયા ઇનિસ્યેટિવમાં સક્રિય યોગદાન આપશે.
અગાઉના રોકાણોની સફળતા
2012માં વડાપ્રધાન શ્રી નરેન્દ્રભાઈ મોદીના આમંત્રણને પગલે સુઝુકી મોટર્સે ગુજરાતમાં પ્રથમ પ્લાન્ટ સ્થાપ્યો હતો. હાંસલપુર સ્થિત તે પ્લાન્ટમાં હાલમાં દર વર્ષે 7.50 લાખ કારનું ઉત્પાદન થાય છે, જેને 2026–27 સુધી વધારીને 10 લાખ સુધી લઈ જવાનું આયોજન છે.
Maruti Suzuki Gujarat Plant – ગુજરાત માટે ગૌરવ
આ નવા પ્લાન્ટની સ્થાપના સાથે ગુજરાત ઓટોમોબાઇલ ક્ષેત્રમાં દેશના અગ્રણી રાજ્ય તરીકે વધુ મજબૂત બનશે. આધુનિક ટેકનોલોજી, વિશાળ રોકાણ અને રોજગારીના વિશાળ અવસરો સાથે Maruti Suzuki Gujarat Plant રાજ્યના વિકાસમાં નવી દિશા આપશે.
આ અવસરે મુખ્ય સચિવ શ્રી મનોજકુમાર દાસ, ઉદ્યોગ વિભાગના અધિક મુખ્ય સચિવ શ્રીમતી મમતા વર્મા, ઉદ્યોગ કમિશનર શ્રી પી. સ્વરૂપ સહિતના ઉચ્ચ અધિકારીઓ તથા મારુતિ સુઝુકીના વરિષ્ઠ પ્રતિનિધિઓ ઉપસ્થિત રહ્યા હતા.