અમેરિકા અને ભારત સહિત વિશ્વના અનેક દેશોમાં મંદીના ડરને કારણે સોના-ચાંદીનો ભાવમાં સતત વધારો-ઘટાડો થઈ રહ્યો છે. એવામાં આજે બંને કીમતી ધાતુના ભાવમાં એવો ઉછાળો નોંધાયો હતો, આજના વધારા સાથે જ સોના અને ચાંદીનો ભાવ નવા રેકોર્ડ ઉંચા સ્તરે પહોંચી ગઈ હતી.
ચાંદીનો ભાવ પહોંચ્યો આસમાને
જણાવી દઈએ કે ગુરુવારે રાષ્ટ્રીય રાજધાનીના બુલિયન માર્કેટમાં સોનાની કિંમત 340 રૂપિયા વધીને 61,280 રૂપિયા પ્રતિ 10 ગ્રામ પર પહોંચી હતી. આ સાથે જ ગઈકાલે છેલ્લા ટ્રેડિંગ સેશનમાં સોનું 60,940 રૂપિયા પ્રતિ 10 ગ્રામ પર બંધ થયું હતું.
મહત્વનું છે કે ચાંદીનો ભાવ પણ રૂ. 1,110ના ઉછાળા સાથે રૂ. 77,150 પ્રતિ કિલો પર બંધ થઈ હતી. અ સાથે જ આંતરરાષ્ટ્રીય બજારમાં સોનું વધીને $2,027 પ્રતિ ઔંસ થયું હતું અને ચાંદીમાં પણ વધારા સાથે, તે 25.61 ડોલર પ્રતિ ઔંસ પર પંહોચી હતી.
એક્સપર્ટના જણાવ્યા અનુસાર યુએસમાં ફુગાવો સાધારણ થયો છે અને એ કારણે એવું કહેવાય છે કે યુએસ ફેડરલ રિઝર્વ મે મહિનામાં વ્યાજ દર વધાર્યા છે. આ કારણે ગુરુવારે ડૉલર અને સ્ટાન્ડર્ડ બોન્ડ યીલ્ડમાં નરમાઈ સાથે સોનામાં વધારો થયો હતો.
વધુમાં વાંચો :- સોનાની કિંમતમાં થયો ધરખમ વધારો, ભાવ અત્યાર સુધીના રેકોર્ડ સ્તરે પંહોચ્યો
અ સાથે જ બુલિયન બજારના નિષ્ણાતો કહે છે કે જો તમે રોકાણ માટે સોનું ખરીદવા માંગતા હોવ તો રાહ જોવી જરૂરી છે. હાલ સોનાની કિંમત રેકોર્ડ ઉંચી સપાટીએ પહોંચી ગઈ છે.