આપણી પાસે અથવા તો કોઈ વ્યક્તિ પાસે એવી નોટો જોઈ હશે જેના પર લખાણ કરેલી હોય છે. ઘણી વાર દુકાનદારો કે બેંકો લખાણ કરેલી નોટ લેવાની ના પાડી દે છે. બેન્કના કર્મચારીઓ માનતા હોય છે કે નોટ પર કંઈપણ લખવાથી નોટ અમાન્ય અથવા નકામી બની જાય છે.
પરંતુ, શું ખરેખર આવું છે? ચાલો જાણીએ કે જો તમે નોટ પર કંઈક લખો છો, અથવા જો તે કપાઈ જાય છે, તો આવી સ્થિતિમાં RBIનો નિયમ શું કહેતા હોય છે.
ઘણા દિવસોથી સોશિયલ મીડિયા પર એક મેસેજ ચર્ચાનો વિષય બન્યો છે કે નોટ પર કંઈક લખવાથી તેની કિંમત ઘટી જાય છે. આ માટે આરબીઆઈએ કેટલાક નિયમો બનાવ્યા છે.
RBIનો શું છે નિયમ
આરબીઆઈના નોટના નિયમ મુજબ, રિઝર્વ બેંક લોકોને અપીલ કરતી હોય કે નોટ પર કંઈપણ લખવાનું ટાળે. તેનાથી નોટની કિંમત નહિ ઘટે પરંતુ તેની આવરદા ઘટી જશે. બેંકે કહ્યું કે ચલણ પર પેન ચલાવવાથી તેની આવરદા ટુંકી થઈ જાય છે. ‘ક્લીન નોટ પોલિસી’ દ્વારા લોકોને નોટ પર કંઈપણ લખવાનું ટાળવા વિનંતી કરવામાં આવતી છે.
બીજી તરફ, જો તમારી પાસે ફાટેલી નોટ છે, તો તમારે ચિંતા કરવાની જરૂર નથી. આ માટે તમે તમારા શહેરની કોઈપણ બેંક અથવા શાખામાં જઈને તમારી જૂની ફાટેલી નોટો બદલી શકાતી હોય છે. તે જ સમયે, જો કોઈ બેંક કર્મચારી તમારી નોટ બદલવાનો ઇનકાર કરે છે, તો તમે તેની ફરિયાદ પણ કરી શકો છો.
વધુમાં વાંચો :- આ સરકારી કંપનીમાં નીકળી ભરતી, એન્જિનિયરો કરી શકે છે અરજી, જુઓ ડીટેલ્સ
નોટ પર લખવાનું બંધ
ભારતના એક જવાબદાર નાગરિક હોવાના કારણે તમારે ધ્યાન રાખવું પડશે કે તમે નોટ પર કંઈપણ લખવાનું ટાળો. જો તમે આમ કરશો તો તમારી કરન્સી ઝડપથી બગડી જશે અને પછી RBIએ તેને બદલવી પડશે.