1 મે 2023 થી બદલાશે આ 4 મોટા ફેરફારો : એપ્રિલ મહિનો પૂરો થવાના આડે હવે થોડા દિવસો જ બાકી રહ્યા છે. ત્યાર બાદ મે મહિનો શરૂ થઈ થશે. દર મહિનાની પહેલી તારીખે ઘણા એવા ફેરફારો થાય છે જેની સીધી અસર સામાન્ય વર્ગના ખિસ્સા પર પડતી હોય છે.
આવતી પહેલી તારીખથી પણ આ 4 મોટા ફેરફારો થવાના છે. આ 4 મોટા ફેરફારો તમારા ખિસ્સા પર સીધી અસર કરશે. જેમાં GSTના નિયમો સાથે ઘણા ફેરફારો સામેલ છે. ચાલો જોઈએ કે 1 મેથી શું ફેરફારો થવાનાં છે.
જાણો કયા છે આ 4 મોટા ફેરફારો
GST નિયમો
નવા નાણાકીય વર્ષમાં જીએસટીના ઘણા નિયમો બદલાયા છે. વેપારીઓ માટે નવા નિયમોનું પાલન કરવું જરૂરી બની ગયું છે. કોઈપણ નાણાકીય વ્યવહાર ની રસીદ ઈન્વોઈસ રજીસ્ટ્રેશન પોર્ટલ પર 7 દિવસની અંદર અપલોડ કરવાની ફરજીયાત રહેશે.
ગુડ્સ એન્ડ સર્વિસ ટેક્સમાં આ ફેરફાર એટલે કે GST એ કંપનીઓ માટે છે જેનું ટર્નઓવર 100 કરોડ રૂપિયા કે તેથી વધુ છે. હાલમાં, આવા કિસ્સાઓમાં, કંપનીઓએ વર્તમાન તારીખે IRP પર ઇલેક્ટ્રોનિક ઇન્વૉઇસ અપલોડ કરવું પડશે. આનો અર્થ એ છે કે જ્યારે પણ ઇન્વોઇસ જનરેટ થાય છે, ત્યારે રિપોર્ટિંગની તારીખથી કોઈ ફરક પડતો નથી.
Cng અને png નાં ભાવ બદલાશે
સીએનજી અને પીએનજીના ભાવ દર મહિનાની પ્રથમ તારીખે અથવા પ્રથમ સપ્તાહે બદલાતા હોય છે. પેટ્રોલિયમ કંપનીઓ દિલ્હી અને મુંબઈમાં મહિનાના પ્રથમ સપ્તાહમાં ગેસના ભાવમાં ફેરફાર કરે છે. મે મહિનાની શરૂઆતમાં CNG અને PNGના ભાવમાં ફેરફાર થઈ શકે છે.
એપ્રિલમાં મુંબઈ પછી દિલ્હી એનસીઆરમાં સીએનજી અને પીએનજીના ભાવમાં ઘટાડો કરવામાં આવ્યો હતો. PNG દિલ્હીમાં 48.59 રૂપિયા પ્રતિ SCMમાં ઉપલબ્ધ છે. નવી કિંમતો 9 એપ્રિલથી લાગુ થઈ ગઈ છે. ઈન્દ્રપ્રસ્થ ગેસ લિમિટેડે નોઈડા, ગ્રેટર નોઈડા અને ગાઝિયાબાદમાં પણ CNGના ભાવમાં ઘટાડો કર્યો હતો.
બેંક રજા
જો તમારે કોઈ બેંક સબંધિત કામ છે તો વહેલી તકે પતાવી લેવું જોઈએ, કારણ કે મે મહિનામાં બેંકોમાં 12 દિવસની રજા રહેશે. દેશના વિવિધ ભાગોમાં કુલ 12 દિવસ બેંકો બંધ રહેશે. જો કે, બેંકની રજાઓ પર, તમે મોબાઈલ અથવા નેટ બેંકિંગ દ્વારા તમારા કામને સરળતાથી પૂરું શકો છો.આ સિવાય તમે નેટ બેન્કિંગ અથવા મોબાઈલ બેન્કિંગ દ્વારા પૈસા ટ્રાન્સફર કરી શકો છો.
વધુમાં વાંચો :- હોમ લોન પર નહીં ચૂકવવું પડે 1 રૂપિયાનું વ્યાજ! ફક્ત આ સરળ વસ્તુ કરો
ગેસ સિલિન્ડરની કિંમત
ગેસ સિલિન્ડરનાં ભાવ પણ દર મહિનાની શરૂઆતમાં બદલાય છે. એપ્રિલમાં એલપીજી કોમર્શિયલ ગેસ સિલિન્ડરના ભાવમાં ઘટાડો કરવામાં આવ્યો હતો. કંપનીઓએ એલપીજી સિલિન્ડરની કિંમતમાં 92 રૂપિયા સુધીનો ઘટાડો કર્યો હતો. દિલ્હીમાં 2253 રૂપિયામાં મળતા સિલિન્ડરની કિંમત ઘટાડીને 2028 રૂપિયા કરવામાં આવી છે.